Membru PNTL hosi Diresaun Nasionál Tránzitu no Seguransa Rodoviária (DNTSR), sosializa hela regra ba negosiante abulante, atu labele hala’o atividade negósiu iha área trotoár leten iha kapitál Dili. Imajen/PNTL.

DILI, 17 maiu 2021 (TATOLI)—Polísia Nasionál Timor-Leste (PNTL), liu hosi Diresaun Nasionál Tránzitu no Seguransa Rodoviária (DNTSR), kontinua sosializa regra tránzitu, hodi bandu negosiante ambulante, labele hala’o atividade negósiu iha trotoár leten, iha kapitál Dili.

“Trotoár leten utiliza ba abitante atu bele ultrapasa no la’ós utiliza ba fatin negósiu, hodi hamosu engrafamentu,” Komandante DNTSR, Superintendente Polísia, João Belo dos Reis, hateten ba jornalista-sira, segunda ne’e.

Notísia relevante:Loron sanulu PNTL rejista kazu asidente 36

Área sira ne’ebé DNTSR bandu atu negosiante-sira labele halo negósiu maka, rotunda Prezidente Nicolau Lobato, Comoro, Becora, Bairru-Pité, Praia dos Coqueiros no Audian.

Polísia mós aviza ba negosiante abulante-sira atu hala’o atividade tenke kumpre nafatin regra, hanesan uza máskara, fase liman bebeik no kontrola distánsia sosiál hodi evita transmisaun COVID-19.

Observasaun Agência Tatoli iha terrenu, PNTL mós fahe máskara ba labarik no komunidade iha estrada públiku.

Jornalista: Eugénio Pereira

Editór: Cipriano Colo

HAKEREK NO HATÁN

Please enter your comment!
Please enter your name here