Sentru izolamentu Vera Cruz. Imajen TATOLI/Egas Cristóvão.

DILI, 17 maiu 2021 (TATOLI)—Hahú hosi fulan marsu to’o ohin, iha bebé na’in 15 mak moris iha sala izolamentu Vera Cruz, na’in-ida abortu no na’in-rua moris ho kondisaun mate.

Koordenadór Forsa Tarefa Prevensaun no Mitigasaun, Rui Maria de Araújo, fó-sai asuntu ne’e liu hosi komunikadu, segunda ne’e.

Notísia relevante:COVID-19: pozitivu 131, rekoperadu 75 no ativu 2.173

“Informa ba públiku katak, iha izolamentu  Vera Cruz, hosi inan isin-rua ne’ebé deteta pozitivu, hala’o partu normál iha na’in-sia, partus liu hosi operasaun cezariana na’in-tolu, partus asistidu ho ventoza na’in-tolu, abortu ida no bebé ne’ebé partus iha kondisaun mate na’in-rua,” Rui Maria de Araújo, esplika.

Médiku ne’e rekoñese katak, totál  bebé  15 mak moris ho kondisaun saudável iha Vera Cruz, hosi inan-sira ne’ebé deteta pozitivu, maibé laiha bebé ida mak pozitivu.

Ohin, Sala Situasaun, Sentru Integradu Jestaun Krize (SIJK), rejista kazu  pozitivu COVID-19 foun, hamutuk 131, rekoperadu 75 no kazu ativu 2.173.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here