Prezidente TANE Konsumidór, António Ramos da Silva ‘Naikoli’. Imajen TATOLI/Egas Cristóvão

DILI, 14 maiu 2021 (TATOLI)-Asosiasaun TANE konsumidór, ohin, aprezenta rezultadu folin ai-han ne’ebé durante TANE konsumidór hala’o peskiza ba loja hamutuk 26 iha kapitál Dili n’ebé hatudu katak produtu balun nia folin hahú sa’e.

Notísia Relevante : TANE Konsumidór husu operadór telekomunikasaun oferese servisu di’ak ba sidadaun

Prezidente TANE Konsumidór, António Ramos da Silva “Naikoli” hateten, objetivu TANE konsumidór halo peskiza ba ai-han sira iha loja sira iha Kapitál Dili atu ajuda komunidade oinsá bele hetan informasaun kona-ba presu produtu alimentár ne’ebé iha estabelesimentu komersiál kapitál Dili.

Nia dehan, iha Estadu Emerjénsia ida-ne’e, konsumidór-sira presiza tebes informasaun tanba komunidade balun susar atu hetan osan ne’ebé TANE halo peskiza ba produtu-sira iha loja ne’e ajuda konsumidór-sira bele asesu ba informasaun nune’e sira atu ba hola sasán karik labele iha konfuzaun.

“Ami halo peskiza ba ai-han sira iha loja tanba TANE konsumidór nia misaun atu fó informasaun ba konsumidór-sira hodi hili sasán ne’ebé mak iha kualidade no folin bele asesivel, ba sira-nia karteira nune’e konsumidór-sira hatene ona folin sasán-sira bele halo finansia katak bele jere sira-nia osan ne’ebé iha hodi sosa sasán ne’ebé mak baratu. Entaun, hosi rezultadu peskiza ne’e, ita iha leitura ne’ebé ami halo rezultadu hosi peskiza ne’e produtu ne’ebé folin sa’e mak foos,” António Ramos da Silva “Naikoli” hateten ba jornalista sira iha Sede TANE konsumidór, Vila-Verde, Dili, sesta ne’e.

Nia haktuir, folin produtu balu sa’e tanba lista ne’ebé TANE konsumidór foti hosi dezembru 2020 mai agora 2021 trimestrál nian halo analiza komparativu entre natal tinan kotuk ho Cesta Bázika produtu folin sa’e ne’e foos nia tendénsia folin aumenta.

Cesta Bázika fa’an kilo ida $1.00 lae $1.50 entaun hosi kilo ida $1 vezes ba foos 20 kilograma ne’e hetan ona $20 ka $ 30 entaun hosi rezultadu TANE konsumidór nian haree katak foos folin aumenta.

“Hosi dezembru mai to’o abríl, tendénsia folin aumenta, maibé la liu 20%, no produtu balun ne’ebé iha nia folin mantein nafatin hanesan bebidas no balu folin tuun liu hanesan ai-fuan, ida ne’e mak ami-nia objetivu hosi peskiza,” António Ramos  “Naikoli” tenik.

Nia hatutan, rezultadu dadus ne’ebé TANE konsumidór ohin aprezenta ne’e foti liuhosi komunika ho estabelesimentu loja nain sira autoriza ekipa tun ba halo peskiza hodi haree folin produtu sira. Tanba ne’e, nia dehan, hosi rezultadu peskiza ai-han iha loja sira ne’e, TANE konsumidór hanesan fornese de’it informasaun maibé avaliasaun kontrolu folin sasán ne’e TANE konsumidór entrega ba Governu.

Nia esklarese, durante TANE konsumidór halo peskiza ba hosi loja 26, maibé tinan ne’e halo peskiza ba loja 24 tanba loja rua ne’e produtu la kompletu, tanba TANE konsumidór halo komparativu ba ai-han iha oin 12 mak hanesan, foos, trigu, ovos, susu-been, manteiga, na’an-manu, na’an fahi, no karau, ai-fuan, masin-midar, mina, bebidas la iha alcohol, no bebidas iha alcohol.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here