MEJD Armindo Maia, foin lalais ne'e, halo lansamentu ba distribuisaun rezumu matéria ba estudante-sira. Imajen Tatoli/Tomé Amado

DILI, 14 maiu 2021 (TATOLI)–Eskola Ensinu Báziku Filiál (EBF) Beduku, Dili, la hetan rezumu matéria, maibé parte eskola halo de’it avaliasaun ba estudante sira-nia partisipasaun durante primeiru trimestrál.

Notísia Relevante : Dadus finál MEJD, inundasaun afeita eskola 25 no ualu grave

Koordenadór Eskola EBF Beduku, Candido dos Santos, informa sira-nia parte la halo distribuisaun rezumu matéria ba alunu-sira tanba laiha orientasaun hosi Diretór Eskola Bázika Sentrál (EBC) Manleuna. Maibé sira halo de’it avaliasaun ba alunu-262 nia prezensa iha primeiru trimestrál.

“Ami husu ona ba sentru kona-ba oinsá ho labarik sira iha Beduku, maibe diretór dehan rezumu matéria ne’e prepara bá alunu terseiru siklu de’it. Alunu siklu 1,2 halo de’it avaliasaun bazeia ba rezultadu primeiru trimestrál nian,” Candido dos Santos haktuir ba jornalista-sira iha EBF Beduku, Dili, sesta ne’e.

Nia la orienta profesór na’in-hitu ajuda iha eskola Beduku  atu prepara matéria ba alunu-sira. Maibé profesór-sira halo ona avaliasaun bazeia ba abilidade labarik nian, oinsá koñese letra, hatene númeru, identifika kór no hatene hakerek.

EBF Beduku mós  afeta inundasaun, nune’e   dokumentu importante pertense ba eskola, profesór no alunu-sira nian barak mak lakon no dodok.

Jornalista       : Tomé Amado

Editór            : Francisco Simões

HAKEREK NO HATÁN

Please enter your comment!
Please enter your name here