Embaixadór Uniaun Europeia (UE), Andrew Jacobs no Reprezentante Programa Nasaun Unida ba Dezenvolvimentu (PNUD/UNDP), Tuya Altangerel, kuarta ne’e hasoru malu ho Prezidente Parlamentu Nasionál, Deputadu Aniceto Longuinhos Guterres Lopes. Imajen/Mídia PN.

DILI, 12 maiu 2021 (TATOLI)—Uniaun Europeia (UE) no Programa Nasaun Unida ba Dezenvolvimentu (PNUD/UNDP) kontinua reforsa kooperasaun institusionál ho Parlamentu Nasionál iha atividade parlamentár.

Notísia Relevante: PPN-UE-PNUD inaugura sentru Uma Mídia Komunikasaun

Embaixadór Uniaun Europeia (UE), Andrew Jacobs no Reprezentante Programa Nasaun Unida ba Dezenvolvimentu (PNUD/UNDP), Tuya Altangerel, kuarta ne’e hasoru malu ho Prezidente Parlamentu Nasionál, Deputadu Aniceto Longuinhos Guterres Lopes, ko’alia kona-ba kooperasaun instituisionál iha atividade parlamentár no mós diskute programa ne’ebé sei realiza iha futuru.

Embaixadór Uniaun Europeia (UE), Andrew Jacobs no Reprezentante Programa Nasaun Unida ba Dezenvolvimentu (PNUD/UNDP), Tuya Altangerel, kuarta ne’e hasoru malu ho Prezidente Parlamentu Nasionál, Deputadu Aniceto Longuinhos Guterres Lopes. Imajen/Mídia PN.

“Fortalesimentu demokrasia ne’e ami-nia prioridade boot, ami kontente no kontinua kooperasaun ho Parlamentu Timor-Leste nian. Ezemplu, hanesan uma komunikasaun ba jornalista sira iha parlamentu, atu reforsa kontaktu entre parlamentu ho povu Timor. Ami mós apoia parlamentu liuhosi Komisaun C (Finansa Públika) kona-ba jere osan povu nian,” Embaixadór Uniaun Europeia (UE), Andrew Jacobs, informa ba jornalista sira, hafoin audiénsia ho PPN Aniceto Guteterres.

Uniaun Europeia apoia Parlamentu Nasionál atu aumenta kapasidade téknika funsionáriu sira,  une’e eleva sira-nia koñesimentu iha oioin. Uniaun Europeia mós apoia Parlamentu Nasionál dezenvolve lejizlasaun sira kona-ba desentralizasaun nune’e hadi’a kapasidade munisípiu sira.

“Ami mós prepara programa futuru kooperasaun entre Uniaun Europeia ho Timor-Leste, ne’ebé sei komesa iha tinan oin.  Uniaun Europeia prepara programa ba tinan hitu (7) entre 2021-2028. Ami prepara programa foun hodi fortalese liután demokrasia no direitu umanu,” nia dehan.

Reprezentante Programa Nasaun Unida ba Dezenvolvimentu (PNUD/UNDP), Tuya Altangerel, hateten PNUD kontinua reforsa nafatin kooperasaun ho Parlamentu Nasionál iha área oioin hanesan lejizlasaun sira.

Durante ne’e Uniaun Europeia parséria Reprezentante Programa Nasaun Unida ba Dezenvolvimentu (PNUD/UNDP) estabelese uma komunikasaun ho montante millaun $4. Konstrusaun Uma Komunikasaun ida-ne’e parte ida hosi PNUD nia projetu “Haforsa Dezenvolvimentu Lokál Integradu hodi apoia Desentralizasaun iha Timor-Leste” no “Programa ba Konsolidasaun Governasaun Ekonómika no Sistema Jestaun Finansas Públika iha PALOP-TL II”, ne’ebé finansiada hosi Uniaun Europeia no PNUD.

Notísia Relevante: UE ho UNDP Apoiu Millaun $ 4 ba Implementa Polítika Dezentralizasaun

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here