iklan

EKONOMIA, HEADLINE

SEFOPE prepara traballadór sazonál 100 dezloka bá Austrália iha juñu

SEFOPE prepara traballadór sazonál 100 dezloka bá Austrália iha juñu

Sekretáriu Estadu ba Formasaun Profisionál no Empregu (SEFOPE), Alarico do Rosário Imajen Tatoli/Egas Cristóvão

DILI, 12 maiu 2021 (TATOLI)—Sekretaria Estadu Formasaun Profisionál no Empregu (SEFOPE) daudaun ne’e prepara hela traballadór sazonál (SWP-Seasonal Worker Programme) timor-oan atu dezloka iha tempu badak.

“Ita-nia traballadór hamutuk 100  naran tama ona iha sistema baze dadus ba programa sazonál, tanba ne’e ita prepara hodi sira aranka iha fulan juñu agora,” Sekretáriu Estadu Formasaun Profisionál no Empregu, Alarico do Rosário, informa iha salaun SEFOPE, Caicoli, kuarta ne’e.

Tuir governante ne’e, tanba daudaun iha hela situasaun pandemia COVID-19, maka depende fali ba ajénsia iha Austrália ne’ebé kontrata traballadór sira.

“Agora depende ba parte ajénsia sira ne’ebé halo kontratu ba ita-nia traballadór sira, tanba sira seidauk pasa informasaun katak sira atu simu, maibé ita iha ne’e nafatin prepara, nune’e bainhira Governu ho ajénsia sira hosi  Austrália sira husu, ita preparadu atu aranka,” nia akresenta.

Sekretáriu Estadu dehan, Governu la taka dalan ba traballadór timor-oan sira ne’ebé atu bá serbisu iha Austrália no Korea Súl.

“Governu liuhosi SEFOPE iha kompromisu nafatin atu haruka ita-nia traballadór sira ba serbisu iha rai-li’ur,” nia subliña.

Tuir dadus SEFOPE, hosi tinan 2014 to’o 2018, timor-oan hamutuk 2.819 maka serbisu ona iha Austrália liuhosi programa sazonál iha área ospitalidade no ortikultura no konsege rekolla retornu $9.698.579,15 mai Timor-Leste.

Iha loron 02 dezembru 2020, traballadór timor-oan na’in-152 hosi programa sazonál aranka ba Tasmánia, Austrália hodi serbisu

Jornalista: Natalino Costa

Editora: Julia Chatarina

iklan
iklan

4 Comments

  1. Oinsa atan w tes iha tinan 2018 liu htu tha na,no kandidata profile prense htu tha na maibe too agr info liha ne oinsa? Husi municipio Baucau

  2. Ami nia profile ready poll iha 2018 ate a data ami nunka hetan opportunidade ruma atu ba servisu

Leave a Reply

iklan
error: Content is protected !!