Ministru Ensinu Superiór, Siénsia no Kultura, Longuinhos dos Santos. Imajen Tatoli/Egas Cristovão

DILI, 10 maiu 2021 (TATOLI) – Ministru Ensinu Superiór Siénsia no Kultura (MESSK) Longuinhos dos Santos, informa nia sei koordena ho parte Universidade no Instituisaun Ensinu Superiór Públiku no privadu-sira (IESPP) atu prepara an hodi simu vasinasaun ba faze daruak iha tempu besik tuir orientasaun hosi Vise-Primeira Ministra (V-PM), Armanda Berta nian.

“Hanesan Ministru MESSK simu ona orientasaun hosi V-PM atu halo koordenasaun ho IESPP-sira kona-ba preparasaun vasinasaun ba estudante, dosente no funsionáriu-sira iha tempu besik,” Ministru Longuinhos dos Santos, haktuir ba jornalista-sira hafoin hasoru malu ho V-PM Armanda Berta iha Gabinete V-PM, Dili, segunda ne’e.

Ministru Longuinhos afirma katak koordenasaun ne’ebé MESSK sei halo ne’e bele liu hosi karta formál ba IESPP-sira ka bele mós konvoka reuniaun ho konsellu reitoria hodi informa asuntu ne’e, tanba orientasaun ne’e MESSK simu tenke transmite ba parte kompetente hodi halo preparasaun.

Jornalista       : Tomé Amado

Editór             : Francisco Simões

HAKEREK NO HATÁN

Please enter your comment!
Please enter your name here