Funsionáriu Komisaun Nasionál Eleisaun (CNE sígla portugés) partisipa teste swab, iha salaun Lalini Lariguto, segunda (10/05). Imajen Tatoli/Egas Cristóvão.

DILI, 10 maiu 2021 (TATOLI)—Hafoin Governu dekreta dekretu Governu númeru 15/2021, loron 5 maiu kona-ba obrigatóriu teste masál ba sidadaun hotu-hotu iha sidade Dili, ohin, Komisaun Nasionál Eleisaun (CNE-sigla portugés) ho nia funsionáriu, direjente sira hamutuk 120 ne’ebé tuir teste swab iha salaun CNE, Dili.

Prezidente CNE, Alcino de Araújo Barris halo teste swab, Lalini Lariguto, CNE, segunda (10/05). Imajen TATOLI/Egas Cristovão.

“Ita hotu hatene katak ita-nia Prezidente Repúblika Francisco Guterres Lú Olo dekreta Estadu Emerjénsia no Governu deside atu teste obrigatóriu, tanba ne’e funsionáriu hamutuk 100 resin no provavelmente, ohin to’o ema 120,” Prezidente CNE, Alcino Barris, hateten ba jornalista sira, iha salaun CNC Colmera, Dili, segunda ne’e

Nia dehan, funsionáriu hotu-hotu ne’ebé tuir teste swab obrigatóriu para oinsá ajuda hodi antesipa no kontrolu surtu COVID-19 ne’ebé aumenta makaas iha Timor-Leste, tanba ne’e mak ohin pesoál saúde mai halo teste swab ba funsionáriu sira.

Teste swab obrigatóriu ne’e bazea ba autorizasaun no dekretu Governu nian ne’ebé anúnsia ona katak obrigatóriu ema hotu-hotu tenke tuir teste swab.

Notísia Relevante: EE da-XIII: sidadaun hotu iha territóriu nasionál obrigatóriu teste swab

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here