Profesora ida iha Eskola 5 maiu Becora Dili, habai hela livru ne’ebé bokon hafoin inundasaun iha marsu 2020. Imajen/Tatoli.

DILI, 07 maiu 2021 (TATOLI) – Profesór  estajiáriu na’in-2.593 ne’ebé akaba ona sira-nia formasaun bacharalato iha Universidade Nasionál Timor Lorosa’e (UNTL) labele hala’o sira-nia estájiu profisionál tanba enfrenta hela situasaun serka sanitária no konfinamentu domisiliáriu obrigatóriu iha kapitál Dili.

Ministériu Edukasaun Juventude no Desportu (MEJD) liuhosi  Institutu Nasionál  Formasaun ba Dosente-sira no  profisionál  Edukasaun (INFORDEPE, sigla portugés) antes ne’e prepara ona profesór-sira estajiáriu ho formasaun akadémiku atu apoiu iha eskola ensinu báziku sira. Maibé tanba situasaun estadu emerjénsia no serka sanitária atividade sira ne’e tenke adia.

Notísia Relevante : INFORDEPE seidauk ezekuta OJE 2021

Prezidente INFORDEPE, Manuel Gomes de Araújo esplika katak, programa estájiu ba profesór-sira ne’e loloos halo iha  marsu, tinan ida-ne’e, maibé tanba serka sanitária no agora konfinamentu obrigatóriu buat hotu labele hala’o tanba laiha atividade iha eskola.

“ita nafatin iha esperansa atu situasaun hanesan ne’e bele hotu lalais atu profesór  na’in-2.593 bele hala’o sira nia estájiu,” prezidente INFORDEPE,  Manuel Gomes de Araújo  hateten ba Agência Tatoli iha ninia servisu fatin INFORDEPE, Dili, sesta ne’e.

Nia afirma katak hosi totál profesór na’in-2.593 ne’ebé prepara atu hala’o estájiu ne’e hosi inísiu iha na’in-2.900. Maibé pratikamente balun mate, balun deziste no balun hili fali profisaun seluk tan ne’e hela de’it 2.593.

Jornalista       : Tomé Amado

Editór             : Francisco Simões

HAKEREK NO HATÁN

Please enter your comment!
Please enter your name here