Pesoál seguransa Gardamor destakadu iha MNEK. Imajen/Espesiál

DILI, 07 maiu 2021 (TATOLI)—Parlamentu Nasionál (PN) rekomenda ba Governu liuhosi Sekretaria Estadu Protesaun Sivíl (SEPS) atu konsidera seguransa sivíl sira iha prevensaun no kombate surtu COVID-19 tanba kontinua presta servisu ba públiku.

Notísia Relevante: Funsionáriu PN na’in-14 pozitivu COVID-19

“Ohin, ami diskute situasaun seguransa sivíl sira tanba sira mós iha liña frente iha vijénsia COVID-19 ne’e, nune’e ohin Prezidente Parlamentu Nasionál rekomenda ba Governu atu haree sira-nia kondisaun hanesan liña frente ne’e,” Sekretária Meza Parlamentu Nasionál, Deputada Lídia Norberta, informa liuhosi konferénsia imprensa hafoin reuniaun líder bankada parlamentár iha uma fukun, sesta ne’e.

Prezidente Parlamentu Nasionál rekomenda ba Ministru ba Asuntu Parlamentár 15:25:14no Komunikasaun Sosiál (MAPKOMS), Francisco Martins da Costa Pereira Jerónimo, ne’ebé partisipa iha reuniaun líder bankada parlamentár ne’e atu konsidera.

Maibé, Ministru ba Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo hatán katak asuntu ne’e kompeténsia Ministériu Interior (MI) nian liuhosi Sekretaria Estadu Protesaun Sivíl (SEPS) nian.

“Nune’e preokupasaun seguransa sivíl sira iha-ne’e (Parlamentu Nasionál), Prezidente Parlamentu Nasionál sei hato’o ba Sekretaria Estadu Protesaun Sivíl,” Deputada Lídia Martins relata.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here