Pasajeiru sira tuun hosi aviaun iha Aeroportu Comoro, sesta (07/05). Imajen TATOLI/Natalino Costa

DILI, 07 maio (TATOLI)–Aviaun Air Asia ho tipu A320, charter hosi New Timor Airlines (NITA)/Air Timor, hosi Kuala Lumpur, Malázia, to’o iha Aeroportu Internasionál Prezidente Nicolau Lobato, Comoro, Dili iha tuku 12:30.

Iha terrenu, Agência TATOLI nota katak aviaun ne’e hatun pasajeiru hamutuk 44, ne’ebé hanesan timor-oan no estranjeiru.

Aleinde ne’e, aviaun hanesan, iha tuku 13:55, tula pasajeiru hosi Dili bá Kuala Lumpur, Malázia, ne’ebé hanesan traballadór estranjeiru ne’ebé durante ne’e serbisu iha Timor-Leste no balun hanesan timor-oan.

Tuir flight approval, hosi Ministériu Transporte no Komunikasaun no Autoridade Aviasaun Sivíl Timor-Leste, aviaun ne’e tula mós apoiu umanitáriu balun.

Jornalista: Natalino Costa

Editora: Julia Chataruna

HAKEREK NO HATÁN

Please enter your comment!
Please enter your name here