Logotipu UNTL.

DILI, 06 maiu 2021 (TATOLI) – Sentru Avansadu Formasaun iha Universidade Nasionál Timor-Lorosa’e (UNTL) prepara atu fó formasaun ba dosente-sira  kona-ba oinsá utiliza programa Zoom atu halo aula ba estudante-sira liuhosi plataforma online.

Notísia Relevante : Telkomcel oferese ona sim card ba estudante UNTL 4.000-resin

Vise-Reitór UNTL ba asuntu Estudantíl, Samuel Venâncio de Sousa Freitas, informa UNTL iha ona sentru avansadu formasaun ne’ebé mak lansa ona formuláriu atu apoiu dosente ne’ebé seidauk bele utiliza Zoom atu hetan formasaun. Tanba Universidade Nasionál Timor Lorosa’e durante ne’e hala’o hela aula distánsia ba estudante sira ho programa Zoom no Google Meet.

Ba jornalista-sira iha UNTL, kinta ne’e, Samuel Venâncio de Sousa Freitas, informa oportunidade ne’ebé Universidade fó ba dosente sira gratuita hodi bele ajuda fali estudante-sira iha aula distánsia tanba ne’e husu ba dosente-sira atu aproveita ho didi’ak.

Vise-Dekanu asuntu Administrasaun Finansas Fakuldade Siénsia Sosiál UNTL, Julio Aparicio akresenta katak programa aula online iha FSS hahú kedan iha tinan kotuk mai to’o agora. Maibé difikuldade ba dosente-sira maka liña internet la’o la di’ak.

Julio hatutan maske uza tiha internet Universidade mós dala barak sempre hasoru obstákulu tanba bainhira aula online ne’e mak utiliza liu estudante na’in lima entaun difikuldade maka rede internet todan.

Jornalista        : Tomé Amado

Editór              : Francisco Simões

HAKEREK NO HATÁN

Please enter your comment!
Please enter your name here