Apoiu emerjénsia ne’ebé oferese hosi SEPS ho CRS ba família 178 iha Suku Wenunuk, Postu Administrativu Metinaro, Munisípiu Dili, kuarta (28/04/21). Imajen/média SEPS.

DILI, 05 maiu 2021 (TATOLI)- Administradór Postu Administrativu Metinaro, Munisípiu Dili hamutuk ho lideransa komunitáriu, kuarta ne’e,  fahe apoiu umanitária ba vítima dezastre naturál uma-kain 178 iha Suku Wenunuk.

Administradór Postu Administrativu Metinaro, Fausto Soares Dias, relata  apoiu umanitária ne’ebé  sira fahe ba vítima dezastre naturál sira ne’e mai hosi Saúde Ba Ema Hotu (SABEH) ne’ebé ba entrega iha Postu Administrativu Metinaro iha loron 30 abríl 2021.

“Sasán sira ne’ebé ami fahe ba vítima dezastre naturál sira ne’e hosi SABEH hodi distribui ba vítima dezastre naturál sira ne’e hahú tersa horiseik (04/05) ba uluk Suku Sabuli hamutuk uma-kain 17, no ohin ami fahe ba vítima-sira Suku Wenunuk nian uma-kain hamutuk 178 no sesta agora mak ita kontinua distribui tan ba Suku Mantelolao ho uma-kain 108,” Fausto Soares Dias informa  ba Agência Tatoli liuhosi telefónika.

Nia afirma, ai-han ne’ebé sira fahe ba vítima dezastre naturál sira mak hanesan, foos, Mie Sedaap, mina, masin, masin-midar, Kafé, biskoit, ropa ba ema ki’ik, ema boot, manta no seluk tan.

Vítima dezastre naturál ne’ebé daudaun ne’e sira fó apoiu nesesidade báziku ne’e nia dehan, vítima sira hotu-hotu hela fali ona ida-idak nia uma. Momentu akontese inundasaun iha loron 04 abríl, konsege evakua ba sentru evakuasaun Igreja Protestante Alfa Bekiar Metinaro.

Jornalista       : Arminda Fonseca 

Editór             : Francisco Simões

HAKEREK NO HATÁN

Please enter your comment!
Please enter your name here