Ministru Ensinu Superiór, Siénsia no Kultura, Longuinhos dos Santos. Imajen Tatoli/Egas Cristovão

DILI, 05 maiu 2021 (TATOLI) – Ministru Ensinu Superiór Siénsia no Kultura (MESSK), Longuinhos dos Santos, enkoraja civitas akadémiku tomak iha Timor-Leste atu transmite lian portugés ba estudante ensinu báziku-sira tanba agora daudaun jerasaun foun sira ne’e halo hela adaptasaun ba lingua ofisiál ne’e.

“Ita-nia alin estudante sira hahú hosi ensinu báziku to’o ensinu superiór agora daudaun maioria halo hela adaptasaun ho lian ofisiál portugés. Tanba ne’e ha’u husu ba entidade hotu liuliu civitas akadémiku-sira atu transmite lian portugés ne’e ba jerasaun foun sira,” Ministru Longuinhos dos Santos, haktuir ba jornalista sira hafoin enkontru Konsellu Ministru iha edifísiu Ministériu Finansas, Dili, kuarta ne’e.

Relasiona ho loron mundiál lian portugés ne’ebé monu iha 05 maiu ne’e, Ministru Longuinhos enkoraja entidade hotu-hotu liuliu civitas akadémiku sira atu bele uza lian ofisiál portugés ne’e ho di’ak nune’e bele transmite bá jerasaun foun sira ne’ebé tuir mai

Vise-Reitór UNTL trata asuntu akadémiku, Samuel Venâncio de Sousa Freitas, afirma katak lingua portugés  mak lingua ofisiál no sai lingua instrusaun mós iha UNTL, agora daudaun UNTL iha hela faze ida hakarak dosente no alunu hotu tenke aprende lingua portugés.

“Karik ita la hasoru situasaun pandemia COVID-19 ne’e, parese ohin ita bele komemora eventu importante ne’e ho palestra kona-ba impaktu no enkuadramentu lingua portugés iha UNTL. Tanba ita iha sentru lingua portugés ne’ebé muda tiha ona ninia modelu servisu ho naran projetu FOKU entaun ninia orientasaun ne’e la’ós de’it iha UNTL maibé ajuda mós iha públiku”.

Jornalista       : Tomé Amado

Editór             : Francisco Simões

HAKEREK NO HATÁN

Please enter your comment!
Please enter your name here