Ministru Ensinu Superiór, Siénsia no Kultura, Longuinhos dos Santos. Imajen Tatoli/Egas Cristovão.

DILI, 05 maiu 2021 (TATOLI) – Ministru Ensinu Superior Siénsia no Kultura (MESSK) Longuinhos dos Santos, informa alokasaun orsamentu millaun $2.1 atu apoiu liña internet ba universidade no Instituisaun Ensinu Superiór Públiku no Privadu iha ona faze konkursu públiku iha Aprovizionamentu Nasionál.

Nia esplika, bainhira orsamentu millaun $1 de’it bele sai hanesan responsabilidade MESSK nian, maibé regra Aprovizionamentu klaru kedas katak orsamentu liu millaun $1 tenke submete ba prosesu Aprovizionamentu Nasionál.

“Prosesu konkursu públiku ba orsamentu liña internet nian hahú la’o daudaun ona, ita hein de’it bainhira loos ona bele ezekuta,” Ministru Longuinhos dos Santos, informa ba jornalista sira hafoin enkontru Konsellu Ministru iha edifísiu Ministériu Finansas, Dili, kuarta ne’e.

Ministru MESSK ne’e mós mensiona livre propina ba estudante 61.239 iha universidade no IESP hamutuk 18. Nia afirma hahú agora Ministériu sei akumula hela dadus estudante-sira hosi universidade.

Jornalista       : Tomé Amado

Editór             : Francisco Simões

HAKEREK NO HATÁN

Please enter your comment!
Please enter your name here