Sekretáriu Estadu Kooperativa, Elizário Ferreira. Imajen TATOLI/António Gonçalves

DILI, 04 maiu 2020 (TATOLI)–United Nation Capital Development Fund (UNCDF) no operadór telekomunikasaun, Telemor introdús sistema eletrónika Mosan, nune’e bele fasilita servisu atendimentu kooperativa kréditu uniaun sira.

“Sistema ne’e atu dijitaliza servisu kooperativa no fasilita transférensia osan la presiza lori osan, ne’ebé membru kooperativa sira bele halo levantamentu osan no mós kontrola empréstimu kooperativa ne’ebé distribui ba membru sira, atu nune’e asegura sustentabilidade finanseira no estabilidade ekonomia no finanseira kooperativa nian laran,” Sekretáriu Estadu Kooperativa (SEKoop), Elizário Ferreira, dehan ba Agência TATOLI iha edifísiu Acait, tersa ne’e. 

Tanba ne’e, ohin UNCDF no Telemor halo ona konkordánsia ho SEKoop hodi implementa iha fulan ne’e nia laran.

Iha fatin hanesan, Jerente Telemor, Phan Thanh Tung, hateten, Telemor iha inisiativa hakarak dijitaliza servisu kooperativa, liu-liu fasilita servisu kréditu liuhosi atendimentu online uza sistema Mosan, ne’ebé sei aplika ba kooperativu kréditu uniaun iha munisípiu Dili.

Iha sorin seluk, Prezidente Kooperativa Kréditu Uniaun, Raimundo José Neto, sente haksolok tanba iha ona plataforma ne’ebé bele fasilita servisu kooperativa.

Tanba ne’e, nia parte gante sei uza sistema Mosan hodi hlo servisu fasilita atendimentu ba membru kooperativa sira.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here