Médiku-sira hala’o teste swab masal ba komunidade iha Sentru Formasaun Polísia (CFP) Comoro, tersa (04/05/21). Imajen Tatoli/António Gonçalves.

DILI, 04 maiu 2021 (TATOLI)-Administradór Postu Administrativu Metinaro, Munisípiu Dili, Fausto Soares Dias, informa  ekipa task force COVID-19 iha Metinaro, kontinua halo sosializasaun tama sai uma kona-ba prevensaun COVID-19.

Nia hatutan, objetivu sira halo sosializasaun no prevensaun COVID-19 nian ba komunidade tama  sai uma tanba hakarak halo esplikasaun detallu moras COVID-19 nian ba komunidade nune’e bele komprende hodi kombate moras refere.

“Hafoin Estadu aplika konfinamentu obrigatóriu iha loron 29 abríl to’o 13 maiu 2021, iha Munisípiu Dili, ami-nia ekipa task force COVID-19 nian iha Postu Administrativu Metinaro loro-loron lori broxura COVID-19 nian halo sosializasaun ba ita-nia komunidade tama uma sai uma halo esplikasaun detallu ba abitante sira hodi mantein protokolu saúde públiku,” Fausto Soares Dias ba Agência Tatoli liuhosi telefónika, tersa ne’e.

Nia hatutan, aleinde sira halo sosializasaun prevensaun COVID-19 nian ba komunidade, sira sosializa vasina AstraZeneca nian ba komunidade, nune’e bainhira vasina ne’e mai tan abitante sira labele dúvida atu simu.

Jornalista : Arminda Fonseca

Editór    : Francisco Simões

HAKEREK NO HATÁN

Please enter your comment!
Please enter your name here