Assosiasaun Espoza Ofisiál Superiór Polísia Nasional Timor-Leste (AEOS- PNTL), kontinua apoia ai-han bázika ba membru Unidade Espesiál Polísia (UEP). Imajen/PNTL.

DILI, 04 maiu 2021 (TATOLI)—Assosiasaun Espoza Ofisiál Superiór, Polísia Nasional Timor-Leste (AEOS- PNTL), kontinua apoia ai-han bazika ba membru Unidade Espesiál Polísia (UEP) na’in 86, ne’ebé sai vítima ba inudunasaun iha 04 abríl.

Apoiu umanitáriu ne’e, entrega direta hosi reprezentante AEOS-PNTL, nu’udár mós Xefe Seksaun Sosiál AEOS- PNTL, Guida Isaura da Conceição Bariz Araújo Monteiro ho ekipa, ba vítima inudasaun akompaña hosi Komandante Unidade Espesiál Polisia (UEP), Superintedente Xefe, Orlando Gomes iha edifisiu UEP, Bairru-Pité, Dili.

Notísia relevante:AEOS-PNTL apoia nesesidade bázika ba membru afetadu inundasaun

Guida Isaura da Conceição Bariz Araújo Monteiro hateten, apoiu ne’e nu’udár jestu solidariedade no hein katak, bele tulun vítima-sira atu rekopera iha situasaun difísil ne’e.

“Ami hanesan Espoza Ofisiál Superiór, la hakmatek tanba ita mesak membru PNTL. Ami sente ho ideia solidariedade, ami hakarak fahe ami-nia sentimentu hanesan mós inan ida ba membru hirak ne’ebé sofre ba dezastre naturál,” nia hateten ba jornalista, tersa ne’e.

Iha fatin hanesan, membru UEP, Delfina Maria dos Santos hanesan mós vítima agradese, tanba dezastre ne’ebé akontese halo sira lakon sasán uma-laran inklui balun lakon uma.

Delfina hela iha Aldeia BTN III Tasi-tolu, hamutuk ho komunidade lubuk ida ne’ebé sai mós vitima, tanba bee tama uma no estraga sasán.

Apoiu ne’ebé vítima-sira hetan mak hanesan foos no super mie, tanba  AEOS-PNTL hetan hosi parseiru-sira.

Jornalista: Eugénio Pereira

Editór: Cipriano Colo

HAKEREK NO HATÁN

Please enter your comment!
Please enter your name here