Logotipu MEJD

DILI, 03 maiu 2021 (TATOLI) – Dirasaun Nasionál Ensinu Rekorrente (DNER), tinan ida ne’e, hetan orsamentu jerál estadu  purvolta rihun $280 atu realiza planu no programa sira, maibé tanba mosu desizaun estadu emerjénsia ho medida serka sanitária foin  ezekuta 15%.

Diretór DNER, José Artúr Viana, esplika  loloos ne’e alvu ezekusaun OJE kada primeiru semestrál tenke atinje 25%, atu nune’e, to’o tinan remata bele atinje 100%. Maibe tanba impedimentu ho estadu emerjénsia planu no programa barak mak labele ezekuta.

“Fulan tolu hahú hosi janeiru to’o abríl 2021, ami bele ezekuta de’it pagamentu saláriu vensimentu ba profesór 45 tanba profesores-sira ne’e maske estadu emerjénsia sira nafatin kontaktu ho estudante-sira hodi prepara matéria-sira,” diretór José Artur haktuir ba Agência Tatoli iha ninia servisu fatin Vila Verde, segunda ne’e

Diretór ne’e afirma katak loloos ne’e DNER iha programa lubuk ida mak atu implementa iha tinan ida ne’e mak hanesan monitorizasaun, subsídiu ba staff-sira iha sentru komunitária, viajen lokál inklui formasaun ba profesores sira. Maibé tanba serka sanitária programa sira ne’e labele realiza.

Jornalista       : Tomé Amado

Editór             : Francisco Simões  

HAKEREK NO HATÁN

Please enter your comment!
Please enter your name here