Primeiru-Ministru, Taur Matan Ruak, halo intervensaun iha enseramentu Asembleia Jerál CCLN, iha salaun Kuartél Jerál F-FDTL, Fatuhada, sesta (20/11). Imajen TATOLI/António Gonçalves

DILI, 30 abríl 2021 (TATOLI)-Conselho do Combatentes da Libertação Nasionál (CCLN) husu Governu atu apoiu ai-han ba estudante-sira ne’ebé hela iha “kost” iha situasaun serka sanitária no konfinamentu domisiliáriu obrigatóriu.

“CCLN nu’udár órgaun ne’ebé reprezenta Veteranu no Kombatente  Libertasaun Nasional sira iha Timor laran tomak, husu ba Governu atu tau atensaun másimu ba estudante sira ne’ebé oras ne’e daudaun iha hela kost hasoru situasaun hamlaha tanba iha Estadu Emerjénsia no Serka Sanitária estudante sira labele dezloka ba sira-nia munisípiu nune’e mós inan-aman labele vizita sira hodi atende sira-nia nesesidade báziku,” Comisário Comição Homenagen,  Cesár dos Santos da Silva “Merak” hateten liuhosi komunikadu imprensa ne’ebé Agência Tatoli asesu, sesta ne’e.

CCLN afirma, Governu presiza tau atensaun másimu ba estudante-sira tanba hanesan hotu-hotu hatene katak  povu Timor-Leste agora daudaun iha hela situasaun Estadu Emerjénsia ba dala-XllI, Serka Sanitária ho konfinamentu obrigatóriu, nune’e mós iha semana hirak liubá Timor-Leste hasoru situasaun kalamidade udan-anin boot iha Kapitál Dili no hamosu komunidade barak lakon sasán, uma no lakon vida.

Nia hatutan, haree ba situasaun hirak ne’e Conselho dos Combatentes da Libertação Nacional, loke kedas POSKO (Postu Koordenasaun) hahú fó apoiu emerjénsia iha loron 7 fulan abríl 2021, ba estudante-sira ne’ebé hela kost no família vítima dezastre naturál to’o ohin loron.

“CCLN fó ona atendimentu sasán nesesidade báziku ba vítima dezastre naturál iha Dili laran hamutuk uma kain 3.442 no mós fó ona atendimentu sasán nesesidade báziku ba estudante hirak ne’ebé hela iha kost ka uma aluga, hamutuk ema na’in-655,” nia dehan.

Sasán hirak ne’ebé CCLN hodi fó apoiu ba komunidade afetadu-sira ho estudante-sira hela uma kost mai hosi belun veteranu-sira Austrália, veteranu iha rai-laran, Compañia privadu, emprezáriu, supermerkadu, entidade privadu ho parseiru sira Ministériu Asuntu Kombatente Libertasaun Nasionál (MACLN sigla-portugés) nian.

Jornalista     : Arminda Fonseca

Editór             : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here