Sekretáriu Estadu komunikasaun Sosiál, Merício Juvinal dos Reis ‘Akara’. Imajen Tatoli/António Gonçalves

DILI, 29 abríl 2021 (TATOLI)-Sekretáriu Estadu ba Komunikasaun Sosiál (SEKOMS), Merício Juvinal dos Reis “Akara”, kuarta (28/04), hamutuk ho Diretór Diresaun Nasionál Promosaun Dezenvolvimentu Media Lokál (DNPDML), hala’o vizita no observa ba Rádiu Metro FM nia torre iha Kamea-Becora, Dili no husu fahe informasaun kredivel ba komunidade.

“Ha’u husu ba rádiu Metro FM tenke transmite informasaun ne’ebé loos no kredivel ba públiku, maibé labele transmite de’it ba fatin espesífiku,  maibé tenke mós halo alargamentu ida hodi bele to’o tan suku seluk ne’ebé seidauk asesu ba frekuénsia Rádiu Metro FM tanba ne’e esforsu aan nafatin hodi bele to’o iha suku no aldeia hotu,” Merício Juvinal dos Reis “Akara” hateten liuhosi komunikadu imprensa ne’ebé Agência Tatoli asesu, kinta ne’e.

Akara husu ba Diresaun Nasionál Promosaun Dezenvolvimentu Media Lokál, atu kria mekanizmu di’ak hodi moderniza rádiu Metro FM hodi sai hanesan rádiu ho karakterístiku metropolitanu nune’e territóriu sira bele asesu hotu.

“Rádiu Metro FM atu transmite lian to’o munisípiu suku no aldeia sira, Diretór DNPDML tenke kria mekanizmu ne’ebé di’ak hodi moderniza rádiu Metro FM, tenke sai naroman ba territóriu Timor laran tomak,” Akara hateten.

Jornalista       : Arminda Fonseca

Editór             : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here