Tékniku EDTL halo instalasaun ba liña distribuisaun eletrisidade iha Dili, kinta (04/03). Imajen TATOLI/António Gonçalves

DILI, 29 abríl 2021 (TATOLI)-Eletrisidade de Timor-Leste, Empreza Públika (EDTL, E.P) hahú halo ona diskusaun ba planu rekuperasaun torre transmisaun liña eletrisidade hamutuk 16 ho kustu hamutuk millaun $7,5, ne’ebé hetan estragu tanba dezastre naturál foin lalais.

“Ha’u husu ona EDTL halo planifikasaun reabilita no halo moru retensaun hodi proteje torre transmisaun 16, tanba besik mota no rai halai kuandu la halo lalais bele fó risku,” Ministru Obra Públika, Salvador Eugênio Soares dos Reis Pires, hateten, iha Palásiu Governu, kinta ne’e.

Iha 04 abríl bainhira akontese dezastre naturál kuaze iha territóriu tomak, liña eletrisidade avaria iha lokál hamutuk 32.

“Ami konsege normaliza lokál 30 iha semana ida nia laran, hela rua hanesan Lakló tanba ai monu no ida iha Beduku tanba rai halai, ne’ebé daudaun haree atu hasai rai no seluk kuaze di’ak hotu ona,” nia afirma.

Aleinde ne’e, daudaun Bee Timor-Leste, Empreza Públika (BTL,E.P) kontinua esforsu atu halo normalizasaun ba distibuisaun bee-moos sira iha kapitál Dili.

Enkuantu, ba área ne’ebé seidauk asesu bee moos, BTL hamutuk ho parseiru sira kontinua instala tanke bee  atu abitante sira bele asesu.

Jornalista: Florêncio Miranda Ximenes

Editora: Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here