Ekipa DIT FC selebra vitória hafoin manan AS Ponta Leste liuhosi "drama" suta penalidade. Imajen/Liga Timorense

DILI, 28 abríl 2021 (TATOLI) – Prezidente klube Primeira Divizaun Liga Futeból Timor – Leste (LFTL), Assalam FC, Ipolito Soares husu ba Governu atu re-ativa liga ne’ebé paradu durante tinan rua ona.

“Lolos Governu autoriza para atividade futeból ne’e la’o hikas.  Maibé, tenke kumpre protokolu saúde nian. Labele hapara de’it nune’e,  tanba nasaun seluk vítima COVID-19 barak liu ita, mais sira-nia futeból lao nafatin,” Ipolito hateten ba Agência Tatoli via mensajen WhatsApp, kuarta ne’e.

Nia sujere ba Governu bele  vasina AstraZeneca  mós ba jogadór no ekipa tomak para seguru liu.

Hatán ba kestaun ne’e, Sekretáriu Estadu Juventude no Desportu, Abrão Saldanha hateten, atividade desportu hotu inklui futeból seidauk bele re-ativa tanba dekretu lei Estadu Emerjénsia sei bandu.

“Atividade Desportu la re-ativa tanba dekretu Estadu Emerjénsia sei bandu,” Abrão afirma tan.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here