Komunidade sira iha Comoro, kapitál Dili, entuziasmu troka voucher Cesta Bázika iha supermerkadu Leader, kinta (10/12). Imajen TATOLI/António Gonçalves

DILI, 26 abríl 2021 (TATOLI)-Administradór Postu Administrativu Metinaro, Munisípiu Dili, Fausto Soares Dias hateten, abitante-sira iha Postu Administrativu Metinaro kuaze simu hotu ona Cesta Báziku no hela de’it uma-kain lima mak seidauk simu.

Nia hatutan, kona-ba distribuisaun Cesta Bázika iha Postu Administrativu Metinaro iha suku tolu no aldeia 14. Hosi suku tolu no aldeia 14 ne’e hela Aldeia rua mak seidauk simu item mina no aldeia seluk hela uma-kain lima ho membru família totál 16 mak seidauk simu Cesta Bázika.

“Kona-ba distribuisaun Cesta báziku ba ita-nia abitante sira iha Postu Administrativu Metinaro mak hanesan, Suku Sabuli, ho totál abitante hamutuk 1.673 simu hotu ona Cesta Bázika, Suku Wenunuc ho totál abitante 3.297 simu hotu ona Cesta Bázika maibé hosi númeru ne’e abitante 1.449 mak seidauk simu item mina Bimoli litru rua, no Suku Mantelolão ho totál abitante 2.098, entaun uma-kain lima ho membru 16 mak seidauk simu,” Administradór Metinaro, Fausto Soares Dias informa ba Agência Tatoli liuhosi telefónika, segunda ne’e.

Reklamante sira ne’ebé seidauk simu Cesta Bázika, tuir nia, planu ne’ebé ne’e hafoin serka sanitária hotu mak distribui fali ba reklamante sira, maibé agora Dili nian hahú fali ona, Postu Administrativu Metinaro rasik seidauk iha informasaun ruma bainhira mak atu distribui fali Cesta Bázika ba abitante-sira.

“Ami hein de’it, bainhira informasaun mai atu simu mak ami fó hatene ba ami-nia komunidade hodi simu,” nia dehan.

Produtu  Cesta Bázika ba Postu Administrativu Metinaro maka hanesan, foos, mina, naan manu, batar, forekeli, fore mungu, susubeen no seluk tan.

Jornalista   : Arminda Fonseca

Editór        : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here