Estudante Eskola Sentru Aprendizajen Informasaun Eskolár (CAFE-sigla portugés) Maliana, Munisípiu Bobonaro. Imajen/Agapito dos Santos

DILI, 23 abríl 2021 (TATOLI) – Ministériu Edukasaun Juventude no Desportu (MEJD) halo hela preparativus atu halo dezlokasaun profesór Portugeza na’in-104 ne’ebé atu ba hanorin iha eskola Sentru Aprendizajen Informasaun Eskolár (CAFE) iha munisípiu sira.

Ministru Edukasaun Juventude no Desportu (MEJD) Armindo Maia, sesta ne’e, iha Parlamentu Nasionál (PN), informa ba Agência Tatoli katak profesór Portugeza-sira ne’ebé Governu kontratu atu apoiu eskola CAFE iha Timor-Leste agora daudaun iha ona prosesu dezlokasaun ba munisípiu.

“Ha’u hatene agora daudaun sira iha preparasaun atu deskola ba munisípiu, tanba koordenadora eskola CAFE halo hela atendimentu ba sira-nia dezlokasaun,” Ministru Armindo Maia  haktuir.

Ministru Armindo afirma katak sira-nia preparasaun oinsá ida-ne’e koordenadora sira mak hatene, maibé informasaun sira-ne’e ministériu konsidera ona. Maibé sira-nia destakamentu mak seidauk iha informasaun detallu.

Profesór Portugeza na’in-104 ne’e bainhira to’o iha Timor sira mós hetan teste swab para atu hatene sira-nia kondisaun saúde molok dezloka ba munisípiu, maibé iha profesores ida mak ninia rezultadu pozitivu. Depois lori tiha bá izolamentu semana ida de’it hetan fila fali rekuperasaun no profesór ne’e rasik agora preparadu atu dezloka mós ba munisípiu.

Jornalista      : Tomé Amado

Editór             : Francisco Simões

 

 

HAKEREK NO HATÁN

Please enter your comment!
Please enter your name here