Membru seguransa sivíl iha Diresaun Nasionál Seguransa no Protesaun Patrimóniu Públiku (DNSPP). Imajen/Espesiál.

DILI, 23 abríl 2021 (TATOLI)—Diretór Nasionál Seguransa Edifísiu Públiku (DNSEP), Fransisco Soares da Silva, husu Governu liu hosi Sekretária Estadu Protesaun Sivíl (SEPS), atu fó kapasitasaun fízika, nune’e bele asegura edifísiu públiku-sira ho di’ak.

“Ita presiza kapasita ita-nia guarda-sira ho formasaun fízikamente ba auto-defeza hodi proteje an, no halo atuasaun ruma, durante destakamentu iha edifísiu públiku,” Fransisco Soares da Silva  hateten ba jornalista-sira iha edifísiu DNSEP, Caicoli, Dili, sesta ne’e.

Notísia relevante:MI fó pose ba pesoál seguransa sivíl 83

Nia dehan, iha tinan 2020, governu  fó ona formasaun ba membru DNSEP na’in 220, kompostu hosi Seguransa Maubere  na’in-haat no DNSEP na’in 216, kona-bá tátika seguransa ho formasaun fízika no mentalidade durante loron 10.

Oras ne’e daudaun membru DNSEP na’in 258 mak hetan ona formasaun no hala’o ona serbisu iha terrenu, hodi asegura edifísiu públiku hamutuk 100-resin iha Díli no Munisípiu-sira seluk.

Jornalista: Eugénio Pereira

Editór: Cipriano Colo

HAKEREK NO HATÁN

Please enter your comment!
Please enter your name here