Atividade iha Portu Dili. Imajen TATOLI/Egas Cristóvão

DILI, 23 abríl 2021 (TATOLI)–Presidente Konsellu Administrasaun Autoridade Portuáriu Timor-Leste (APORTIL), Flávio Cardoso Neves, hateten durante Estadu Emerjénsia ba da-XII no Serka Sanitária, iha ró sanulu mak tama Portu Dili hosi Indonézia no Austrália.

“Ró sira ne’e maioria lori nesesidade bázika hanesan foos no sasán kontrusaun nian,” Prezidente APORTIL informa ba Agência TATOLI, via telefónika, sesta ne’e.

Sasán ne’ebé tama hosi kompañia lokál ne’ebé importa sasán.

Enkuantu, kona-ba servisu no funsionamentu APORTIL iha períodu Serka Sanitária la’o ho di’ak.

“Ami Aplika shift iha situasaun Serka Sanitária, nune’e kontinua fó atendimentu ne’ebé di’ak ba públiku, tanba APORTIL nu’udar odamatan nasaun atu sasán tama sai, tanba ne’e ita tenke masimiza servisu no labele husik tanba maski iha períodu Serka Sanitária maibé presiza iha atendimentu nune’e povu labele halerik ba nesesidade bázika,” nia akresenta.

Antes ne’e, Governu renova Serka Sanitária iha munisípiu Dili, Baucau no Viqueque, to’o loron 02 maiu.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here