Adjuntu Komisariu CAC ba Asuntu Prevensaun no Sensibilizasaun, Luis de Oliveira Sampaio. Imajen Tatoli/Egas Cristovão.

DILI, 23 abríl 2021 (TATOLI)—Komisaun Anti Korrupsaun (CAC sígla portugés) suspende provizóriu arrola ka klasifika pesoál-sira ne’ebé asume kargu xefia iha instituisaun Estadu ba prosesu deklarasaun riku-soin no bens interese.

“Suspende provizóriu tanba antes lei foun Medida Preventiva Kombate Korrupsaun (MPKK) tama iha vigór, ita hasoru kedan implementasaun Estadu emerjénsia ho serka sanitária no konfinamentu obrigatóriu,’’Adjuntu Komisáriu CAC ba asuntu Prevensaun no Sensivilizasaun, Luis Olviera Sampaio, hateten ba Agência Tatoli, via telefínika sesta ne’e.

Notísia relevante:CAC presiza haforsa estrutura implementa lei MPKK

Iha semana oin direjente CAC sei halo sorumutu hodi diskute, bainhira iha desizaun bele kontinua fila-fali prosesu arrolamentu.

Oras ne’e daudaun serbisu tékniku CAC kontinua hala’o preparasaun formuláriu ho kooperasaun Tribunál Rekursu (TR).

Antes ne’e, Komisáriu CAC, Sérgio Hornai, hateten prosesu arrolamentu dadus pesoál ne’ebé instituisaun ida-idak sei aprezenta relatóriu informasaun, to’o setembru ba oin, hahú efetua serbisu ba instituisaun hira mak arroladu, hodi sujeita halo deklarasaun.

Tuir planu, faze dahuluk CAC sei halo arrolamentu ba dadus pesoál hosi instituisaun hotu-hotu, hafoin define mapamentu instituisaun hira mak aplika uluk, hodi deklara riku-soin.

Entertantu, lei númeru 7/2020, 26 agostu kona-bá Medida Prevensaun no Kombate Korrupsaun (MPKK) tama ona iha vigór, iha 22 fevereiru tinan ne’e.

CAC mós lansa ona arrolamentu pesoál asume kargu xefia iha administrasaun públika hodi submete ba prosesu deklarasaun riku-soin no bens interese, hahú iha 22 fevereiru to’o 31 jullu tinan ne’e.

Jornalista: Nelson de Sousa

Editór: Cipriano Colo

PUBLISIDADEiklan

HAKEREK NO HATÁN

Please enter your comment!
Please enter your name here