Atividade AIFAESA halo fiskalizaun ba folin sasán iha munisípiu Baucau. Imajen/AIFAESA

DILI, 22 abríl 2021 (TATOLI)—Autoridade Inspesaun no Fiskalizasaun Fiskalizasaun Atividade Ekonómika, Sanitária no Alimentar (AIFAESA) halo fiskalizaun no nota katak folin nesesidade bázika iha merkadu normál hafoin inundasaun.

”Kona-ba folin nesesidade bázika  durante ne’e la’o normál. Sasán hanesan nesesidade bázika nia folin nafatin no materiál konstrusaun mós normál hela,” Inspektór  Jerál AIFAESA, Ernesto Monteiro hateten ba Agência TATOLI, via telefónika, kinta ne’e.

Aleinde ne’e, ekipa AIFAESA halo mós inspesaun iha munisípiu seluk hodi kontrola folin merkadu sira.

“Agora AIFAESA  ninia funsionáriu iha Baucau hodi halo inspesaun folin iha merkadu no supermerkadu,” nia akresenta.

Atividade ekipa halo fiskalizasaun ba operadór ekonómiku sira iha postu administrativu Baguia, munisípiu Baucau mak hanesan kioske no loja sira ne’ebé komersializa produtu alimentár hanesan foos, mina, no mie sedaap, ne’ebé iha prosesu fiskalizasaun ne’e ekipa inspetór sira rekolla resibu sosa no fa’an hosi na’in ba empreza sira.

Produtu alimentár ne’ebé komersializa mak hanesan foos Bintang kilograma 20 ho folin $14,50 no fa’an fali ho folin $15, Bintang kilograma 25 ho folin $15 no fa’an fali ho folin $16, Lafaek kilograma 30$14,75 fa’an fali ho folin $15,25, mie sedaap kaixa ida ho folin $7 fa’an fali ho folin $7.50, mina Bimoli litru 5 folin $6 fa’an fali ho folin $7.

Enkuantu, iha postu administrativu Venilale, munisípiu Baucau, bazeia ba atividade inspesaun no fiskalizasaun hodi konfirma produtu alimentár sira ne’ebé komersializa iha distributór, loja no kioske sira mak hanensan foos kilograma 25 (Bintang, Fortuna, Globus, tali merah, ikan Mean, lafaek, furak liu no Vasco da Gama) ho folin sosa $13, kilograma 50 ho folin $14 no fa’an ho folin $14,50 to’o $15. 

Foos kilograma 20 ho folin sosa $11,50 no fa’an folin $12, foos kilograma 30 (Vasco da Gama no Furak Liu) ho folin sosa $15 no fa’an ho folin $16,50,  mina-han (Bimoli no lolita) ho folin sosa $20, kilograma 50 ho folin $22,50 no fa’an ho folin $21,50 to’o $23,50, susu enak kalen (kaixa) ho folin sosa $27 no fa’an ho folin $29, masin-midar ho folin sosa $18,50, masako ho folin sosa $18,50 no fa’an ho folin $20, mie sedap (goreng no soto) ho folin sosa $7,25 no fa’an ho folin $7,50, terigu kilograma 25 (Bromo no Beruan Biru) sosa ho folin $13,40 to’o $14,50 no fa’an ho folin $14,50 to’o $15,50.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here