Rotunda Same Vila, Munisípiu Manufahi. Imajen/Espesiál

DILI, 20 abríl 2021 (TATOLI) – Eskola tolu iha Munisípiu Manufahi hetan estragu total kauza hosi dezastre naturál iha loron 04 abríl 2021.

Notísia Relevante : Anin sobu edifísiu Pré-Eskolár Baura

Diretór Servisu Edukasaun Munisípiu Manufahi, Trinito Sarmento, informa eskola tolu ne’e maka hanesan edukasaun pre-eskolár ida iha Aldeia Poerema, Suku Babulu, pre-eskolár ida iha Tutuluru no eskola Ensinu Báziku Filiál ida iha Furak-Lau área Turiskai.

“Ami halo ona levantamentu dadus no aprezenta ona bá Ministériu Edukasaun Nasionál atu bele halo intervensaun emerjénsia,” Trinito Sarmento haktuir  ba Agência Tatoli via telefone, tersa ne’e.

Nia informa katak kondisaun eskola tolu ne’ebé hetan estragu ne’e halo de’it ho bebak, nu’udar kontribuisaun hosi komunidade nian hodi hakbesik edukasaun ba povu nia oan-sira.

Inan-mana estudante-sira halibur malu ona hodi kontinua hadi’a eskola rua ba labarik pre-eskolár sira tanba EBF Furak-Lau sira sei iha edifísiu ida mak bele utiliza hela.

Trinito Sarmento informa estudante hotu iha eskola tolu ne’e hamutuk 148, kompostu husi edukasaun pre-eskolár Poerema na’in-39, edukasaun Pre-eskolár Tutluru (340) no Ensinu Báziku Filiál  Furak-Lau na’in-75. Enkuantu, profesór iha eskola tolu ne’e hamutuk na’in-hitu (7) hosi edukasaun pre-eskolár rua ne’e  profesór na’in-haat  94) no ensinu báziku filiál na’in-tolu (3).

Notísia Relevante : Anin sobu edifísiu tuan EBF Caicasabu

Hosi sorin seluk Diretór Nasional Asaun Sosiál Eskolár (DNASE) Joaquim Martins, afirma katak ninia parte simu ona proposta eskola tolu ne’e nian no daudaun ne’e sira halo hela prosesu tanba presiza mós halo preparasaun ba materiál emerjénsia sira.

“Ami simu ona proposta husi Diretór Edukasaun Munisípiu Manufahi. Ami sei prepara prosesu sira depois ami responde iha tempu besik,” Joaquim Martins hateten.

Notísia Relevante : Anin sobu eskola tékniku vokasionál Malibaka

Jornalista       : Tomé Amado

Editór             : Francisco Simões  

HAKEREK NO HATÁN

Please enter your comment!
Please enter your name here