Ministru Transporte Komunikasaun, José Agostinho da Silva, entrega sertifikadu ISP ba Globat Net unipessoal,lda, iha salaun ANC, Caicoli, tersa (20/04). Imajen TATOLI/Egas Cristóvão

DILI, 20 abríl 2021 (TATOLI)—Ministeriu Transporte Komunikasaun (MTK) liuhosi Autoridade Nasionál Komunikasaun (ANC, sigla portugés) legaliza servisu fornesimentu liña internet (ISP-Internet Service Provider) ba konpañia Global Net hodi bele kontinua fornese servisu internet ba instituisaun privadu no públiku.

Ministru Transporte Komunikasaun, José Agostinho da Silva, hateten legalizasaun ne’e liuhosi atribuisaun sertifikadu ISP ba kompañia.

“Ohin ita atribui sertifikadu ISP ba ikompañia nasionál Global Net tuir Lei 15/2012,” Ministru dehan ba jornalista sira hafoin ramata seremónia atribuisaun sertifikadu iha salaun ANC, Caicoli, tersa ne’e.

Notísia relevante: ANC atribui sertifikadu lisensa ba Metrolink oferese liña internet

Tuir governante ne’e, atribuisaun sertifikadu nu’udar meiu ida atu Governu halo promosaun ba kompañia nasionál sira atubele oferese liña internet ba entidade ne’ebé presiza.

Iha fatin hanesan, Diretór Global Net, Alexander Pires Mendes, apresia no kontente tanba parte Governu bele legaliza servisu fornesimentu internet.

“Ami kontente tanba iha situasaun ida Governu bele halibur ami hodi legaliza servisu, nune’e bele atinje to’o prosesu ne’e,” nia akresenta.

Maski hasoru dezafiu no problema oin-oin, maibé nia parte garante sei fornese internet ba kliente ho di’ak.

Kompañia Global Net hetan sertifikasaun hosi ANC Blba IPS ho númeru rejistu 03.

Antes ne’e, ANC legaliza ona kompañia Gardamor no Metrolink nu’udar kompañia

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here