Portavós PNTL, Superintendente Xefe Arnaldo de Araújo. Imajen Tatoli/Eugénio. Pereira.

DILI, 19 abríl 2021 (TATOLI)—Abitante Aldeia Milibatu, Suku Ailili, Munisípiu Manatuto hetan granada ida iha 09 abríl tinan ne’e.

Portavóz Komandu Jerál Polísia Nasionál Timor Leste (PNTL), Superitendente Xefe, Arnaldo Araújo, hateten granada ne’e entrega ona ba autoridade seguransa no Komandu Munisípiu Manatuto halo hela investigasaun no ezaminasaun hodi identifika loloos granada ne’e mai hosi ne’ebé.

Notísia relevante:EOD-UEP Destrui Materiál Explozivu 50-Resin

Arnaldo Araújo esplika, bainhira halo ona ezaminasaun, ekipa PNTL hosi sesaun Explosive Ordinance Disposal, Unidade Espesiál Polísia (EOD-UEP) sei destroi ka halo rahun.

“Ekipa EOD hosi nasionál baibain halo rahun materiál sira-ne’e,’’ Arnaldo Araújo hateten ba jornalista-sira iha Komandu Jerál PNTL, Caicoli, Dili, segunda ne’e.

Portavóz Komandu Jerál PNTL ne’e apela ba komunidade, bainhira hetan materiál-sira hanesan granada, tenke informa lalais ba PNTL mak foti, nune’e prevene labele fó risku ba ema-nia vida.

Jornalista: Nelson de Sousa

Editór: Cipriano Colo

PUBLISIDADEiklan

HAKEREK NO HATÁN

Please enter your comment!
Please enter your name here