IGE normaliza mota Terminál Becora, hafoin dezastre naturál domingu (04/04/21). Imajen espesiál.

DILI, 16 abril 2021 (TATOLI)—Administradór Postu Administrativu Cristo Rei, Munisípiu Dili, Gaspar da Silva hateten, sesta ne’e, nia parte submete ona dadus vítima dezastre naturál hamutuk 3.467 ba Ministériu Administrasaun Estatál (MAE).

“Ohin, parte Ministériu Administrasaun Estatál (MAE) mai direta iha edifísiu Postu Administrartivu Cristo Rei nian no ami entrega ona dadus vítima inundasaun hamutuk 3.437 hodi bele tau ba data base, nune’e Governu bele halo intervensaun no bele halo prosesu distribuisaun apoiu umantitáriu ba vítima sira,” Administradór Cristo Rei informa ba Agência TATOLI, liuhosi telefónika, sesta ne’e.

Dadus vítima inundasaun no infraestrutura sira-ne’ebé hetan estragu iha Postu Administrativu Cristo Rei laran ne’e, kompostu hosi sasán no uma ne’ebé hetan estragu totál ka kmaan ne’e hamutuk 3.437, no formatu rua kona-ba infraesterutura ne’ebé hetan estragu ne’e hamutuk 28.

Hosi totál lista vítima inundasaun ne’ebé prenxe ba formatu ida ne’e kompostu hosi suku ualu (8) mak hanesan Suku Ailok hamutuk uma kain 113, Balibar 75, Becora 506, Bidau Santana 804, Camea 800, Culu-Hun 538, Hera 562 no Suku Metiaut hamutuk uma kain 39.

Kona-ba lista formatu rua ne’ebé rekolla kona-ba estrada, valeta, bronjong mota lori no seluk tan ne’ebé hetan estragu ne’e totál hamutuk 28 ne’e kompostu hosi Suku Ailok hamutuk ida (1), Balibar ida (1), Becora ualu (8), Bidau Santana ida (1), Camea 12, Culu-Hun tolu (3), Hera ida (1), no Suku Metiaut ida (1).

Postu Administrativu Cristo Rei iha suku ualu (8) ho nia aldeia hamutuk 51 ne’e, iha xefe família hamutuk 14.866 no populasaun iha 74.272. Hosi totál populasaun ne’e, feto hamutuk 36.727 no mane hamutuk 37.545.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here