Família matebian prepara hela fatin deskansa ikus nian atu haloot mate-isin Armindo Borges (47) iha semitériu Kamalhout. Imajen Tatoli/Floréncio Miranda Ximenes.

DILI, 15 abríl 2021 (TATOLI)—Hafoin ekipa CIGC ne’ebé lidera hosi Diretór Sala Situasaun, Sentru Integradu Jestaun Krize (CIGC, sigla portugés), Brigadeiru Jenerál João Miranda ‘Aluk’, ko’alia ho Líder Karismátiku Xanana Gusmão ho família matebian hodi entrega mate-isin Armindo Borges (47) ba família, família sira hahú prepara ona fatin deskansa ikus nian ba matebian.

Notísia Relevante: PM orienta CIGC ko’alia ho família hakoi mate-isin Armindo Borges

Mate-isin Armindo Borges sei haloot iha Postu Administrativu Dom Aleixo, Suku Manleuana, Aldeia Badiak, iha semitériu Kamalhout.

Tuir observasaun Agência TATOLI, hahú hosi Sentru Izolamentu Vera Cruz, mate-isin ne’e sei tau minutu balun iha matebian nia uma hafoin ba haloot iha semitériu Kamalhout.

Molok atu haloot ka hakoi mate-isin, fatin deskansa ikus nian ne’e sei hetan bensaun hosi Padre Ángelo Salsinha.

Iha terrenu, hosi parte seguransa liuliu Polísia Nasionál Timor-Leste (PNTL) oras ne’e preparadu atu asegura prosesu fúnebre ba mate-isin Armindo Borges nian.

Notísia Relevante: Xanana agradese ekipa CIGC

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here