Association of Chinese Interprise in Timor-Leste (AEC-TL), oferese rihun $15 ba Sekretária Estadu Protesaun Sivíl (SEPS), iha edifísiu SEPS, Caicoli, Dili, kinta ne’e.

DILI, 15 abríl 2021 (TATOLI)—Association of Chinese Interprise in Timor-Leste (AEC-TL), oferese $15.000 ho áqua freska hamutuk kaixa 300, ba Sekretária Estadu Protesaun Sivíl (SEPS), hodi rekopera vítima dezastre naturál.

Reprezentante Embaixada Xina iha TL, Geng Xiewei hamutuk ho reprezentante AEC-TL, Tracy Sun, entrega diretamente  apoiu ne’e ba SEPS, Joaquim Gusmão, iha edifísiu SEPS Caicoli, Dili, kinta ne’e.

Notísia relevante:Governu Xineza oferese tan materiál medikál ba MS

Joaquim Gusmão, lori Governu nia naran hato’o gratidaun ba sentidu solidariedade hosi povu Xineza.

Joaquim Gusmão hateten, SEPS iha sentru Jestaun Operasionál Dezastre ba apoiu hotu-hotu ne’ebé simu, hanesan nesesidade báziku, sei jere hodi bele distribui fila-fali ba sentru evakuasaun-sira.

“Sasan-sira ita sei distribui direta, no osan  ne’ebé ita simu sei hola fila-fali sasan ka hahán hodi distribui ba família-sira atu bele rekopera fila-fali sira-nia nesesidade,” Joaquim Gusmão hateten.

Nune’e mós Geng Xiewei, hateten Governu Xina hamutuk ho povu Xineza iha TL prontu fó apoiu ba TL, hanesan apoiu  lubuk-ida mak fó ona, hodi hatán ba situasaun COVID-19 no mós situasaun kalamidade.

Iha 08 abríl, Konsellu Ministru (KM) deside aprova mobilizasaun apoiu internasionál, hodi hatán ba impaktu inundasaun ne’ebé akontese iha loron 04 abríl.

Jornalista: Nelson de Sousa

Editór: Cipriano Colo

PUBLISIDADEiklan

HAKEREK NO HATÁN

Please enter your comment!
Please enter your name here