Imajen foti hosi Google

DILI, 15 abríl 2021 (TATOLI) – Koordenadór eskola Ensinu Báziku Sentrál  Paralelo (EBCP, sigla portugés) Laikara, Munisípiu Lautem, Armindo da Silva, rekoñese nia sala no arrepende tebes ho nia aktu ne’ebé baku nia estudante ida to’o ran sai hosi tilun.

Aktu ne’e lori Mestre Armindo da Silva ba hatán ona hodi submete ba investigasaun iha   Polísia Nasionál Timor-Leste (PNTL) Munisípiu Lautem no nia rekoñese sala iha polísia nia oin.

“Ha’u rekoñese katak lei la permite atu edukadór-sira halo agresaun fíziku  hasoru estudante-sira. Ha’u sala ona. Tan ne’e, ha’u kumpre ona prosesu investigasaun hosi Polísia Eskuadra Lautem,” Mestre Armindo da Silva, haktuir ba Agência Tatoli liuhosi  telefone kinta ne’e.

Armindo hateten, razaun  nia baku estudante ne’e tanba viola regra no la kumpre oras eskola ne’ebé implementa iha EBCP. Tanba   oras eskola, nia halimar fali iha li’ur.

Armindo rekoñese katak nia basa estudante ne’e dala-rua, depois haruka tama ba aula-laran hodi kontinua simu matéria. Maibé, liu tiha ida-ne’e,  purvolta tuku 14:00 Otl, maka família husi estudante ne’e telefone hodi informa ba nia katak sira-nia oan nia tilun ran-sai barak loos no konsege lori ba halo tratamentu iha ospitál.

Jornalista   : Tomé Amado

Editór         : Francisco Simões

HAKEREK NO HATÁN

Please enter your comment!
Please enter your name here