Prezidente Parlamentu Nasional, Aniceto Longuinhos Guterres Lopes. Imajen Tatoli/Antonio Goncalves.

DILI, 14 abríl 2021 (TATOLI)—Prezidente Parlamentu Nasionál (PPN), Deputadu Aniceto Longuinhos Guterres Lopes, hato’o agradesimentu ba Governu Japaun ne’ebé fó apoia solidariedade hodi fó apoiu manta 5.000 ba vítima afetadu inundasaun iha Timor-Leste.

Notísia Relevante: Governu agradese ba apoiu umanitáriu hosi Japaun

Prezidente Parlamentu Nasionál, Deputadu Aniceto Guterres hato’o agradese liuhosi nia omólogu Prezidente Parlamentu Japaun (House of Representative of Japan), OSHIMA Tadamori.

“Prezidente Parlamentu Nasionál, lori Parlamentu Nasionál no povu nia naran hakarak agradese ba mensájen no apoiu solidariedade hosi Prezidente Parlamentu Japaun nian, OSHIMA Tadamori,” refere komunikadu imprensa hosi Gabinete Prezidente Parlamentu Nasionál, ne’ebé Agência TATOLI asesu, kuarta ne’e,

Prezidente Parlamentu Nasionál, Deputadu Aniceto Guterres espresa nia laran haksolok ba apoia emerjénsia ne’ebé oferese hosi Governu Japaun iha loron hirak liu ba.

Purtantu, Prezidente Parlamentu Nasionál mós fó agradesimentu ba nasaun sira-ne’ebé apoia Timor-Leste kona-ba inundasaun ne’ebé akontese iha domingu (04/04) foin lalais ne’e.

Jornalista: Evaristo Soares Martins

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here