Embaixada Korea do Sul iha Timor-Leste apoiu rihun $100 ho sasán nesesidade báziku ba vítima dezastre naturál liuhosi SEPS, kuarta (14/04). Imajen/SEPS

DILI, 14 abríl 2021 (TATOLI)-Governu Korea do Sul liuhosi nia embaixada iha Dili, fó apoiu fundu $100,000.00 ba Governu Timor-Leste (TL) hodi responde ba família vítima dezastre naturál ne’ebé akontese iha loron 04 abríl, tinan ne’e.

Notísia Relevante : Austrália apoia materiál emerjénsia tonelada 27-resin ba TL

Embaixadór Korea do Sul iha TL, Kim Joeng, akompaña emprezáriu Koreanu, kuarta ne’e,  simbolikamente oferese osan $100,000.00 ho mós nesesidade báziku, hanesan foos, mina no supermi ba Sekretáriu Estadu Protesaun Sivíl (SEPS), Joaquim Gusmão, iha edifísiu SEPS, Caicoli, Dili.

Joaquim Gusmão, lori oitavu Governu Konstitusionál nia naran hato’o agradese ba apoiu ne’e.

Fundu ne’ebé Governu Korea do Sul apoiu la entrega direita ba SEPS, maibé fó ba iha UNDP mak sei jere, servisu hamutuk ho SEPS atu bele hola sasán nesesidade báziku hanesan hahán no la’ós hahán atu bele ajuda família vítima dezastre naturál.

Iha fatin hanesan, Diretór In Hang Shop, Hong Jez Seong, nu’udar emprezáriu Korea do Sul iha TL, fó solidariedade ba família afetadu sira no prontu fó apoiu nafatin ho domin no fuan ba TL iha situasaun ne’ebé de’it.

Jornalista   : Nelson de Sousa

Editór        : Francisco Simões

 

 

HAKEREK NO HATÁN

Please enter your comment!
Please enter your name here