Suku sira iha Munisípiu Aileu. Imajen/Espesiál.

DILI, 14 abríl 2021 (TATOLI)—Eskola Ensinu Báziku Sentrál (EBC sígla portugés) das Flores Ávila Aileu, prontu ona atu realiza ezame periúdu dahuluk, tanba elaborasaun matéria atinji ona 90%.

Diretór eskola, Tomas Gunda, hateten preparasaun pontus ezame ne’e iha progresu diak tanba iha komisaun ida ne’ebé konsentra ba elaborasaun ne’e.

Notísia relevante:MEJD adia ezame periúdu dahuluk

“Ita preparadu atu hasoru ezame tanba ita iha ona matéria-sira no ita-nia estudante-sira mós hetan hotu ona revizaun ba materia-sira,” Tomas Gunda  hateten ba jornalista Agênsia Tatoli, via telefónika, kuarta ne’e.

Nia esplika, preparasaun másimu ne’ebé atinji 90% ne’e, tanba kontribuisaun hosi koordenadór eskola filiál-lima.

“Ita-nia preparasaun ba pontus ezame ne’e hahú kedan iha 31 janeiru ho dirijente eskola filiál-sira,” nia subliña.

Totál estudante iha 1.500 mai hosi EBC das Flores Ávila hamutuk 924, aumenta ho eskola filál lima hamutuk 576 ho profesór na’in 60.

Jornalista: Tomé Amado

Editór: Cipriano Colo

HAKEREK NO HATÁN

Please enter your comment!
Please enter your name here