IGE normaliza mota iha área balun iha Dili hafoin inundasaun, domingu (04/04). Imajen/IGE

DILI, 13 abríl 2021 (TATOLI)–Prezidente Institutu Jestaun Ekipamentu (IGE, sigla portugés), Ermenegilda da Costa Laurentina, hateten durante ne’e kompañia Timor Port ajuda institutu halo intervensaun normaliza fatin afetadu inundasaun iha kapitál Dili.

“Kompañia Timor Port apoia gratuita maibé informasaun ne’ebé mak ha’u iha, kompaña 15 ona mak halo hela serbisu iha Dili laran,” Prezidente IGE informa iha ninia knaar fatin, Colmera, tersa ne’e.

Kompañia fó apoiu ekipamentu pezadu hodi serbisu hamutuk ho institutu hafoin inundasaun ne’ebé akontese iha domingu (04/04) to’o agora.

“Hanesan daudaun halo serbisu iha mota Bekusi, Timor Port oferese ninia mákina pezadu tolu ho fuzu rua. Entaun ami bele simu serbisu ho ami,” nia akresenta.

Kona-ba kompañia sira ne’ebé hala’o serbisu no aban bainrua Governu selu, IGE sira deside la serbisu hamutuk.

“Deside kedas labele serbisu ho ami para ida-idak ho ninia volume serbisu, aprezenta atubele halo pagamentu,” nia hatutan.

IGE normaliza ona mak fatinn hanesanmota iha Manleuana, Maloa, hamoos rai-ten iha kuluhun, Maskareñas, Bairro Pité, Bidau, suru rai no fatuk iha Kamea, Kampu Alor, Becora, Comoro no fatin seluk tan.

Jornalista: Natalino Costa  

Editora: Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here