Ministru Ensinu Superiór, Siénsia no Kultura, Longuinhos dos Santos. Imajen/Tatoli Egas Cristóvão.

DILI, 12 abríl 2021 (TATOLI)—Ministru Ensinu Superiór Siénsia no Kultura (MESSK), Longuinhos dos Santos simu ona lista hosi Universidade-sira, no iha universitáriu na’in 3.300 mak hakarak atu fila ba Munisípiu.

Longuinhos dos Santos hateten, MESSK koordena ona ho Ministériu Saúde (MS), hodi halo teste swab ba estudante hirak ne’e no prosesu teste hahú ona hosi Dili Institute of Techology (DIT).

Notísia relevante:MESSK propoin millaun $19-resin ba ijensaun propinas no fornesimentu internete

Ita simu lista ikus iha 9 abríl lorokraik, no ita konfere iha estudante 3.300 mak prontu atu halo teste swab hodi fila ba Munisípiu,” Ministru Longuinhos hateten ba jornalista-sira iha rezidénsia ofisiál PPN, iha Faról, segunda ne’e.

Governante ne’e esplika ba públiku katak, prosesu teste ne’e atu konfirma kondisaun saúde kada estudante no rezultadu sei fó-sai kedan.

“Bainhira rezultadu normál ka negativu bele halo viajen, maibé pozitivu tenki kumpre desizaun MS,” nia subliña.

Antes ne’e, Sala Situasaun Centro Integrado Gestão de Crises (SS-CIGC), husu kualkér sidadaun ne’ebé hakarak atu tama ka sai hosi munisíupiu-sira ne’ebé Governu impoin ona Serka Sanitária (SS), tenke halo pedidu no dirije ba Diretór SS-CIGC, Brigadeiru Jenerál João Miranda ‘Aluk’.

Jornalista: Tomé Amado

Editor: Cipriano Colo

PUBLISIDADEiklan

HAKEREK NO HATÁN

Please enter your comment!
Please enter your name here