SEPS distribui apoiu emerjénsia ba família afetadu dezastre naturál iha Aldeia Lisbutak, Suku Manleuana, Postu Don Aleixo, Munisípiu Dili, domingu (11/04). Imajen/mídia SEPS

DILI, 12 abríl 2021 (TATOLI)-Sekretáriu Estadu Protesaun Sivíl (SEPS) fó ona apoiu emerjénsia ba família afetadu dezastre naturál hamutuk 1.398 iha kapitál Dili.

Notísia Relevante : Governu rekolla uluk dadus molok distribui apoiu rekuperasaun

Apoiu  ne’e mak hanesan foos, supermi, mina, sasán dapur no sira seluk tan, nune’e bele hakmaan família sira ne’ebé terus no bele aguenta  sustenta moris iha situasaun kalamidade ne’e.

“Hahú iha loron 10 to’o loron 11 abríl ne’e, ami konsege fó ona apoiu  emerjénsia ba  família 1.398 no sei kontinua apoiu hein dadus hosi  suku sira seluk,” Sekretáriu Estadu SEPS, Joaquim Gusmão hateten ba Agência Tatoli iha edifísiu Ministériu Finansa, Dili, segunda ne’e.

SEPS mós ho koordenasaun entidade sira dezde inísiu inundasaun ne’ebé akontese to’o daudaun ne’e atende mós hahán ba família  sira ne’ebé evakua iha sentru evakuasaun sira.

 Jornalista      : Nelson de Sousa

Editór             : Francisco Simões

 

PUBLISIDADEiklan

HAKEREK NO HATÁN

Please enter your comment!
Please enter your name here