Kondisaun iha ponte no merkadu Becora hafoin inundasaun iha kapitál Dili. Imajen TATOLI/António Gonçalves

DILI, 10 abríl 2021 (TATOLI)-Ministériu Administrasaun Estatál (MAE) koloka tan karreta hamutuk 20 atu reforsa kapasidade munisípiu Dili hodi tula lixu iha Dili laran.

Ministru Administrasaun Estatál, Miguel Pereira de Carvalho. Imajen TATOLI/Egas Cristovão

Ministru Administrasaun Estatál, Miguel Pereira de Carvalho, informa Munisípiu Dili antes ne’e deskola kamioneta 49 loron-loron hodi tula lixu sira iha kapitál Dili ho volume lixu tonelada 220. Maibé ho kondisaun dezastre naturál ne’e, lori lixu no tahu-dodok invade kuaze Dili tomak, tanba ne’e presiza forsa sufisiente atu bele responde ba hasai fo’er hosi Dili laran.

Notísia Relevante : Dezastre naturál, Governu kontinua rekolla dadus

“Governu reforsa tan kapasidade Munisípiu Dili hodi aumenta kamioneta 20 atu fasilita tula lixu,’’ Ministru Miguel Pereira de Carvalho hateten hodi responde Agência Tatoli iha edifísiu MAE, Caicoli, Dili, sesta (09/04).

Nia dehan, ministériu liuhosi programa maun de obra iha postu administrativu emprega ona ema na’in-20 hodi hamoos estrada sira iha sidade laran.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here