Loder suru-sees hela tahu-teen iha areadores Palásiu Prezidensiál Bairru-Píte, Dili, hafoin udan-boot iha domingu (04/04) madrugada ne’ebé hamosu inundasaun. Imajen/Facebook: Jufer Gutrres.

DILI, 08 abríl 2021 (TATOLI)-Prezidente Repúblika (PR), Francisco Guterres Lú Olo, halo enkontru ho Primeiru-ministru (PM), Taur Matan Ruak ho nia Vise na’in rua, iha rezidénsia Faról, Dili, kinta ne’e.

Prezidente Repúblika, Francisco Guterres ‘Lú-Olo’. Imajen Tatoli/Antonio Goncalves

“Ohin Primeiru-Ministru Taur Matan Ruak hamutuk ho Vise-Primeira Ministra Berta dos Santos no Vise-Primeiru Ministru, José Reis halo enkontru ho ha’u iha ha’u-nia rezidénsia tanba ita-nia Palásiu Prezidénsia foin daudaun afeta hotu inundasaun no tahu sei nakonu nune’e sei limpeza hela”, Prezidente Repúblika Francisco Guterres Lú Olo hateten ba jornalista sira bainhira halo enkontru ho Primeiru-Ministru ho nia vise na’in rua.

Xefe Estadu hateten, semana ida tan mak bele hamoos hotu maibé mákina barak mak tama laran hodi kontinua hamoos. Enkontru ne’e hanesan baibain kada semana-semana.

Apoiu Governu

Kona-ba situasaun atuál,  liuhusi mensajen, Prezidente Repúblika reafirma hodi apoiu Governu hodi kontinua halo nia knaar hanesan órgaun soberania. Iha realidade, Primeiru-Ministru Taur Matan Ruak hanesan Governu hola desizaun ruma hodi resposta imediata ba situasaun ida-ne’ebé akontese.

“Ba refujiadu sira Governu hola desizaun atu oinsá bele hakmaan sira iha fatin ne’ebé sira konsentra bá. Tuirmai mak levantamentu dadus para oinsá bele hadi’a no rekupera fali sira-nia moris hodi estabiliza fila-fali”, PR Lú Olo akresenta.

Notísia relevante:PM informa asuntu importante rua ba Prezidente Repúblika

Jornalista : Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here