Aniceto Guterres, Prezidente Parlamentu Nasional.Imajen/Antonio Goncalves

DILI, 07 abríl 2021 (TATOLI)—Prezidente Parlamentu Nasionál (PPN), Deputadu Aniceto Longuinhos Guterres Lopes ho Embaixadór Estadu Unidu Amérika (EUA) Kevin Blackstone, diskute futuru kooperasaun iha área parlamentár nian.

“Ami ko’alia kona-ba opurtunidade atu iha kooperasaun direita entre misaun EUA ho Parlamentu Nasionál, tempu sira seluk mai sei iha enkontru direita kona-ba  apoia kooperasaun entre Parlamentu Nasionál ho  misaun EUA  iha Timor-Leste,” Embaixador Kevin Blackstone, informa ba jornalista sira, hafoin hasoru malu ho Prezidente Parlamentu Nasionál, iha uma fukun, kuarta ne’e.

Purtantu, Embaixada EUA iha Timor-Leste sei diskute kle’an liután kona-ba futuru kooperasaun ne’e hodi identifika kooperasaun ne’ebé merese ba parlamentu nasionál, liuliu iha atividade parlamentár nian.

Iha reuniaun ne’e partisipa mós Vise-Prezidente Parlamentu Nasionál, Deputada Maria Angelina Lopes Sarmento no Deputadu Luis Roberto da Silva.

“Ha’u ko’alia prezidente parlmentu kona-ba apoiu ne’ebé governu EUA ho Timor-Leste iha projetu multi-anuál hodi fornese servisu lubuk ida-ne’ebé halo iha ámbitu servisu parlamentár iha Timor-Leste,” nia katak.

Embaixadór Kevin partilla informasaun ba Prezidente Parlamentu Nasionál, kona-ba governu EUA anunsia ona ba programa tinan-lima nian ne’ebé fó ba Timor-Leste.

Tanba ne’e Embaixada EUA iha Dili sei ko’alia ho ministériu relevante atu identifika  apoia sira-ne’ebé  fó ba Timor-Leste ba projetu multi-anuál ne’e ho montante millaun $93.

Iha reuniaun ne’e mós, Embaixadór Kevin, ko’alia Prezidente Parlamentu Nasionál kona-ba situasaun COVID-19 iha Timor-Leste, ekonomia no inundasaun ne’ebé mak foin  daudaun akontese ne’e.

Ha’u anunsia ona atu fó orsamentu atu fasilita  ba dezastre naturál  montante rihun $100. Ami sei anunsia detallu  tempu tuir mai. Ami mós sei serbisu hamutuk ho protesaun sívil ho parseiru relevante sira seluk,” nia garante.

Notísia relevante:Embaixadór EUA-PPN ko’alia kona-ba demokrasia iha TL

Jornalista: Evaristo Soares Martins

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here