Prezidente CVTL, Madalena Hanjam. Imajen Tatoli/dok.

DILI, 06 abríl 2021 (TATOLI)—Inundasaun ne’ebé akontese iha domingu (04/04) halo abitante iha kapitál Dili nia uma barak mak a’at no obrigadu tenke evakua ba fatin mahon provizóriu hanesan Cruz Vermelha de Timor-Leste (CVTL) no fatin seluk tan.

Prezidente CVTL, Madalena Hanjam, hateten, fatin ne’e akumula uma-kain 83 ne’ebé hanesan grupu vulnerável.

“Iha ne’e iha família 84, ne’ebé ami foti liu maka grupu vuneravél sira hosi fatin difísil sira ne’ebé afeta inundasaun hanesan bebé, inan isin rua, ferik no katus sira, nune’e labele kontamina fali moras sira seluk,” Prezidente CVTL iha edifísiu Bairro Formosa, tersa ne’e.

Tuir Dirijente ne’e, iha postu evakuasaun provizóriu ne’e rasik fó tratamentu ba vítima sira ne’e ho di’ak hanesan oferese ai-han.

“Ekipa CVTL durante ne’e fó tratamentu di’ak no asegura sira-nia hahán inklui labarik kiik sira-nia nesesidade, atu nune’e prevene moras seluk haesan diarea, katar no moras labele kontamina ba sira,” nia akresenta.

Nia dehan, bebé iha CVTL maioria hosi semana ida to’o tinan ida, tanba ne’e ekipa kontinua koopera ho Governu hodi ajuda no evakua ema sira ne’eb’e vulnerável no hanesan afetadu ba dezastre naturál.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here