Sekretáriu Estadu Protesaun Sivíl (SEPS), Joaquim Gusmão, uza bero halo observasaun iha Lagoa Tasi-Tolu, Dili. Imajen/SEPS

DILI, 06 abríl 2021 (TATOLI)-Abitante sira iha Lagoa Tasi-Tolu, Dili, daudaun ne’e aguenta de’it ho udan-ben ba te’in ho hemu.

Notísia Relevante : Governu kálkulu kustu estragu dizastre naturál territóriu tomak millaun $100

Bee sei nalihun iha komunidade nia uma iha área Lagoa Tasi-Tolu, Dili. Imajen Tatoli/Nelson de Sousa

Dezastre naturál, udan-anin no rai-halai, sábadu-domingu (03-04/04),  lori taterus ba abitante sira kuaze iha Dili laran no munisípiu sira balun. Nune’e mós komunidade lubun iha Lagoa Tasi-Tolu sofre to’o balun lakon vida.

“Ami agora la asesu ba bee-moos no konsumu de’it udan-ben no ahi eletrisidade seidauk lakan to’o agora,” Vasco da Silva hateten ba jornalista, tersa ne’e, iha Lagoa Tasi-Tolu, Dili.

Nia husu Governu liuhosi ministériu kompetente atu bele monta tanke bee inklui loke ahi eletrisidade  atu bele fasilita sira nia atividade loron-loron.

Nia fó sasin katak, inundasaun ne’ebé akontese lori taterus oioin ba sira, liuliu estraga hotu sira-nia presiza no nesesidade báziku uma-laran nian.

Abitante na’in-rua tuur iha bee-nalihun iha área Lagoa Tasi-Tolu, Dili. Imajen Tatoli/Nelson de Sousa

Sekretáriu Estadu Protesaun Sivíl (SEPS), Joaquim Gusmão,  halo mós observasaun direita komunidade afeta sira iha área Lagoa Tasi-Tolu no komunidade afetadu seluk iha Bee-duku, inklui sira balun iha área Kuarentena, Tasi-Tolu nian.

Ekipa SEPS rekolla hela dadus hahú atu aban bele komesa distribui ona apoiu emerjénsia hanesan hahán no nesesidade sira seluk tan.

“Ekipa sira iha terrenu ita ba identifika uma sira ne’ebé hetan estragu hodi foti dadus nune’e bele komesa fó ona apoiu emerjénsia,’’ Joaquim Gusmão hateten.

Jornalista       : Nelson de Sousa

Editór             : Francisco Simões

HAKEREK NO HATÁN

Please enter your comment!
Please enter your name here