Ministru Obra Públika, Salvador Eugênio Soares dos Reis Pires. Imajen TATOLI/Egas Cristovão

DILI, 05 abríl 2020 (TATOLI)Ministru Obra Públika (MOP), Salvador Eugênio Soars dos Reis Pires, fó ona orientasaun ba Bee Timor-Leste, Empreza Públika (BTL, E.P) atu koopera hamutuk ho Sekretaria Estadu Protesaun Sívil (SEPS) liuhosi Bombeiru, hodi fornese bee-moos ba abitante afetadu inundasaun iha kapitál Dili.

“Ha’u fó orientasaun ba BTL atu hamutuk ho Bombeiru kontinua fornese bee ba komunidade  afetadu sira, liuliu fatin konsentrasaun vítima inundasaun atu sira bele asesu,” Ministru Salvador relata hafoin enkontru ho ekipa komisaun liña ministeriál iha Palásiu Governu, Dili segunda ne’e.

Governante ne’e dehan, komisaun liña minisiteriál kontinua halo esforsu atu halo manutesaun ba bee kanu sira ne’ebé hetan estragu hosi inundasaun atu garante distribuisaun bee-moos ba abitante iha kapitál Dili.

Nune’e, MOP liuhosi ekipa téknika sira hahú halo identifikasaun no normalizasaun ba sistema bee-moos.

“Ita esforsu halo intervasaun normaliza sistema bee-moos atu garante sistema abastesimentu bee ba populasaun sira,” nia akresenta.

Iha parte seluk, BTL mós hahú ezekuta orientasaun hosi Minsitru Salvador hodi fornese bee-moos ba vítima dezastre naturál no abitante sira ne’ebé presiza.

Jornalista: Florêncio Miranda Ximenes

Editora: Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here