Reprezentante UNICEF foun mai Timor-Leste, Bilal Aurang Zeb Durrani. Imajen/UNICEF

DILI, 01 abríl 2021 (TATOLI) – Reprezentante foun UNICEF nian mai Timor-Leste,  Bilal Aurang Zeb Durrani, foin lalais ne’e, aprezenta ona karta kredénsia ba Ministra Negósiu Estranjeiru no Kooperasaun (MNEK) Adaljiza Albertina Xavier Reis Magno, iha Edifísiu MNEK, Dili.

“Ne’e priviléjiu no onra boot atu serve labarik sira no sira-nia família iha Repúblika Demokrátika Timor-Leste. Ha’u hein atu hakle’an no fortifika parseria longu prazu UNICEF ho Governu Timor-Leste no servisu hamutuk ba labarik sira-nia melloramentu moris di’ak iha país ne’e,” Bilal Aurang Zeb Durrani, hateten liuhosi komunikadu imprensa ne’ebé Agência Tatoli asesu, kinta ne’e.

Bilal Aurang Zeb Durrani kongratula Governu Timor-Leste ba progresu ne’ebé halo ona ba direitu labarik dezde nasaun ne’e proklama nia independénsia, no ba nia efetivu lideransa atu hatán ba pandemia COVID-19 hahú tinan kotuk.

“Maske halo ona progresivu signifikativu balu ba labarik no foin-sa’e sira iha Timor-Leste, iha buat barak mak tenke halo atu garante realizasaun direitu ba kualidade edukasaun, protesaun, kuidadu saúde, servisu sosiál sira, no asesu ba partisipasaun iha foti desizaun,” nia hateten.

Nia afirma UNICEF  kontinua apoia Governu hodi realiza direitu sira ne’e, no re-imajina futuru nabilan ida ba labarik sira no foin-sa’e sira hanesan ita planeia no implementa ba medida sira atu hatán no programa rekuperasaun relasiona ho pandemia COVID-19.

Antes atu mai servisu iha UNICEF Timor-Leste, Durrani serve ona hanesan Xefe Eskritóriu UNICEF iha Koreia  Súl. Nia lori mai Timor – Leste ho  esperiénsia responsavel progresivamente tinan rua-nulu iha area dezenvolvimentu internasionál ho ajénsia ONU no ONG internasionál sira iha nivel Sede Jerál nune’e mós servisu umanitáriu difisil sira, dezenvolvimentu no emerjénsia difisil sira iha Ázia no Afrika.

Ho koñesimentu programátiku tékniku forte bazeia ba evidénsia,  Durrani iha esperiénsia hodi lidera ekipa oin-oin, no espesializadu ba harii parseria no angriasaun fundus, projetu jestaun, planeamentu estratéjiku, monitorizasaun, evaluasaun no koñesimentu jestaun.

Jornalista   : Hortencio Sanchez

Editór         : Francisco Simões

HAKEREK NO HATÁN

Please enter your comment!
Please enter your name here