Ministra Negósiu Estranjeiru no Kooperasaun, Adaljiza Albertina Xavier Reis Magno, partisipa iha reuniaun Konsellu Ministru, via virtuál, iha ninia gabinete, Praia dos Coqueiros, kinta (01/04). Imajen/DNCSP-MNEK

DILI, 01 abríl 2021 (TATOLI)–Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, aprezenta Projetu Rezolusaun Governu iha reuniaun Konsellu Ministru (KM), kona-ba naran sira ne’ebé sei propoin ba Prezidente Repúblika atu xefia Misaun Diplomátika Repúblika Demokrátika Timor-Leste (RDTL) iha rai-li’ur.

“Deliberasaun kona-ba postu Embaixadór Timor-Leste iha rai-li’ur deside ona, maibé Ministra Negósiu Estranjeiru no Kooperasaun sei hato’o ba Primeiru-Ministru nune’e lori ba Prezidente Repúblika,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun  ezekutivu, via virtuál, iha Palásiu Governu, kinta ne’e.

Daudaun, reprezentante ne’ebé fatin mamuk iha 14 no kria kargu ne’ebé mak la hela metin iha rai-li’ur.

“Reprezentante ne’e bá-mai de’it, ba asuntu ambiente nian, tanba Timor-Leste sei foku mós iha ninia polítika esterna, ho asuntu relasiona ho ambiente ne’ebé iha ona ema ida sai hanesan embaixadór ne’ebé sei haree ba asuntu ne’e,” nia akresenta.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here